Адыгеим ис быслъымэн пстэуми БирамымкIэ сафэгушIо!
Нэкlмазэм иаужырэ мэфэ нэфхэр кlуагъэх. Непэрэе мэфэкlышхом республикэм щыпсэурэ пстэуми шIоу щыIэр къадэхъунэу, мамыр щыIакIэ яIэнэу сафэлъаIо сшIоигъу.
НэкIыр зыIыгъыгъэхэу шIу зышIэнэу пылъыгъэхэм шъхьафэу сафэгушIо. Бирамым Тхьэр зышIошъ хъурэ быслъымэным ыгу рэзэныгъэрэ шIулъэгъурэ къырелъхьэх. Мы мэфэкI лъапIэм цIыфхэр фегъасэх щэIагъэ яIэным, гукIэгъу ахэлъыным, агукIэ къэбзэнхэм. НэкIыр зыIыгъ быслъымэнхэм ашъокIи, агукIи къабзэхэ, яхэхъоныгъэкIэ лъэгэпIакIэм нэсыхэ, мы дунаими, ахърэтми къащятэхэ ашIоигъу.
НэкIмэзэ лъапIэм шIоу тшIагъэр, титхьэлъэIухэр Алахьталэм къабыл тфишIынхэу, тфигъэбэгъонхэу селъэIу!
Мы мэфэкI нэфым унагъо пэпчъ шIу къыферэхь, насыпкIэ, шIулъэгъукIэ къерэт. Псауныгъэ пытэ, хахъо шъуиIэнэу, шъуашъхьагъ мамыр огур ренэу итынэу зэкIэми сышъуфэлъаIо!
SA
Facebook 
Twitter 
Pinterest 
Linkedin 
Tumblr 
vk 
Odnoklassniki 
Reddit 
Whatsapp
Google Bookmarks
