Ислъам диным имэфэкl шъхьаӀэхэм зэу ащыщыр шӀушӀэным, гукӀэгъу ахэлъыным, гур къэбзэным, къапэблагъэхэм афэгумэкӀынхэм къафэджэ. Тхьэшlошъхъуныгъэ зиӀэхэр ащ нахь зэкъуегъэуцох, лъытэныгъэ зэфыряӀэным, унэгъо хабзэхэр къэухъумэгъэнхэм, лъэпкъ, дин зэгурыӀоныгъэм тиобществэ зыщегъэушъомбгъугъэным ар афэӀорышӀэ.
Адыгэ Республикэм щыпсэурэ быслъымэнхэр нэмыкl динхэр зылэжьыхэрэм ягъусэхэу тикъэралыгъо сыд фэдэрэ лъэныкъокlи хэхъоныгъэ ышlыным яӀахьышхо халъхьэ, шlушlэн lофхэм чанэу ахэлажьэх, мамырныгъэмрэ зэгурыlоныгъэмрэ зыгъэпытэрэ кӀочlэ шъхьаӀэу щытых.
Шlуагъэ къытэу шъузэрэлажьэрэм, лъэпкъыбэ зыщыпсэурэ, дин зэфэмыдэхэр зыщалэжьырэ тиреспубликэрэ хэгъэгумрэ языкӀыныгъэ игъэпытэн тегъэпсыхьэгъэ lофэу къетхьыжьэхэрэм къызэрадежъугъаштэрэм афэшl Адыгэ Республикэмрэ Пшызэ шъолъыррэ ащыпсэурэ быслъымэнхэм я ДиндэлэжьапӀэ лъэшэу тызэрэфэразэр къэтэlо.
Шъуинэмазрэ шъуикъурмэнрэ Тхьэм къабыл ешl, шъугухэм гушӀуагъорэ нэфрэ къарерэлъхь! Унагъо пэпчъ зэгурыӀоныгъэрэ зэдегъэштэныгъэрэ ерэль!
Быслъымэнхэми, республикэм щыпсэурэ пстэуми псауныгъэ пытэ, щыlэкӀэ-псэукlэшlу, насып яӀэнэу, Адыгеими, Урысыеми апае яӀофшlэн гъэхъагъэхэр щашӀынэу сафэлъаlо!
Кумпил мурат
МАХ-м узэрэкIэтхэщтыр
Facebook 
Twitter 
Pinterest 
Linkedin 
Tumblr 
vk 
Odnoklassniki 
Reddit 
Whatsapp
Google Bookmarks
