Адыгэ Лъэпкъ Шъуашэм Имафэ 1оныгъом и 28-м Xэдгъэунэфык1ыщт

Мы мафэр илъэс 15-к1э узэк1э1эбэжьмэ тимэфэпчъ къыхэхьагъ. Адыгэ Хасэр к1эщак1о фэхъуи зэдаштэгъэ мэфэк1 мафэхэм мыр ащыщ. Адыгэ Республикэм къыщежьэгъэ мафэр адыгэхэм ядунаим джы тыдэк1и щагъэмэфэк1ы, зэк1э тилъэпкъэгъухэм анахь як1эсэ мафэхэм ащыщ.

Адыгэ лъэпкъ шъуашэм идэхагъэ мы мафэм тэ1уатэ. Л1эш1эгъу пчъагъэхэр къызэпичыгъэхэми непэ адыгэ лъэпкъым ишъуашэ ик1ас. Узщыщ лъэпкъыр ащ къегъэнафэ, тыдэ урык1уагъэми укъыраш1эжьы. Джащ фэдэу адыгэ лъэпкъ шъуашэм к1уач1э и1.

1оныгъом и 28-м пчыхьэм къэгъэлъэгъон щы1эщт. Адыгэ лъэпкъ театрэм иунэ мэфэк1ыр щаш1ыщт.

16:00 - адыгэ лъэпкъ шъуашэхэр къагъэлъэгъощтых;

17:00 – мэфэк1 концертыр рагъэжьэщт.

18:00 – адыгэ джэгу аш1ыщт.  

Зэк1э ш1оигъоныгъэ зи1эхэр мы мэфэк1ым къетэгъэблагъэх.  Адыгэ шъуашэхэр ащыгъхэу хьак1эхэм тыкъяжэ.