UNIFON: 'Лъытэныгъэ Зэттырэ КIуэкIуэ Казбек, Къумпыл Мурат, Тэмрэз Рэшид ШьукъыдеIэнэу Тышъущэгугъу'

Лъытэныгъэ зыфэтшlырэ тиреспубликэхэм ялlышъхьэхэр!

Лъытэныгъэ зыфэтшlырэ, Казбек Валерий ыкъу,

Лъытэныгъэ зыфэтшlырэ, Мурат Къэралбый ыкъу,

Лъытэныгъэ зыфэтшlырэ, Рэщыд Бориспи ыкъу.

Тыркуем ыкlи Сирием къащыхъугъэ тхьамыкlагъом - чlыгусысынэу зыхэфагъэхэм зэкlэми тыщыгъуаз. Гухэкlышхо къытщэхъу мы тхьэмыкlагъор ахэм ащыпсэурэ адыгэ мин пчъагъэм зэралъыlэсыгъэр. Нэбгырэ пэпчъ мы гуузыр дэтэгощы. Шъори мы тхьамыкlагъор зэрэзэхашъушlэрэр къыдгурэlо, амалэу иlэхэмкlэ lэпыlэгъу шъузэрафэхъурэр тэшlэ.

Апэрэ мафэхэм ащегъэжьагъэу тилъэпкъэгъухэм шъузярэгъусэр къэшъуlуагъ. Зэкlэхэми апае мыр гъогу къэгъэзапlэу хъугъэ. Тхьамыкlагъоу къэхъугъэм хэкум исхэри, lэкlыбым щыlэ адыгэхэри зэкъуигъэуцуагъэх. Чlыгусысыным хэфэгъэ яунэкъощхэм, яlахьылхэм хэкум щыlэхэр алъыхъунхэу, адэlэпыlэнхэу фежьагъэх.

Тхьам япсэпагъэ аlуегъэкlэжь!

Непэ адыгэ ныбжьыкlэхэм лъэlу тиlэу зыкъышъуфэтэгъазэ.

Мы тхьамыкlагъом адыгэ мин пчъагъэмэ ящыlэныгъэхэр ыхьыгъ. Мин пчъагъэхэм яунэ, яlапlэ, яlофшlэн ашlокlодыгъ. Мин пчъагъэхэм ны-тыхэр, ягупсэхэр чlанагъ. Ахэм ящыlэныгъэ лъагъэкlотэным пае тиlэпыlэгъу ящыкlагъ.

Тиныбжьыкlэхэм янеущырэ мафэ тегъэгумэкlы. Чlыгур зэсысым зэкlэ яlэр чlэзынэгъэ тилъэпкъэгъухэр хэкум къэщэжьыгъэнхэмкlэ lэпыlэгъу шъухъун ылъэкlыщтэу адыгэ ныбжьыкlэхэу диаспорэм щыlэхэми, хэкум исхэми тэлъытэ. Ахэм икlэрыкlэу ящыlэныгъэ рагъэжьэжьын фай. Мы тхьамыкlагъор къэмыхъуфэ адыгэ къуаджэхэм ащыпсэущтыгъэхэмэ, джы lофшlапlэм, псэупlэм лъыхъухэу язакъоу хэгъэгум итыщтых. Атэжъ чlыгум къэкlожьынхэмкlэ lэпыlэгъу шъуафэхъумэ, тарихъ хэкум щыlэныгъакlэ щырагъэжьэжьынэу амал яlэщт. Ныбжьыкlэхэу еджэнхэшъ, хэгъэгум шlуагъэ къыфэзыхьэу тапэкlэ lоф зышlэн зылъэкlыщтхэр ары тызкlэлъэlурэр. Урысыем иправительствэ илъэс къэс lэкlыб хэгъэгухэм къарыкlырэ студентхэр регъаджэх, республикэхэм ахъщэхэр - стипендиехэр агъэнафэх, къэралыгъо егъэджэн программэхэр щыlэх. Мыщ фэдэ чlыпlэ къин ифэгъэ тилъэпкъэгъухэм якlалэхэм яхэку къэкlожьынхэм, къэралыгъо программэхэр ыкlи стипендиехэр агъэфедэзэ Урысыем щеджэнхэу амал агъотыным апае lэпыlэгъу шъузэрэхъун шъулъэкlыщтым тицыхьэ телъ.

Урысые Федерацием истипендие къахьэу диаспорэм щыщ ныбжьыкlэхэр щеджэнхэм пае амалэу иlэмкlэ шъуадеlэнэу тышъолъэlу.

Урысыем апшъэрэ гъэсэныгъэ щызэзгъэгъоты зышlоигъохэу, къэзгъэзэжьынэу фае ныбжьыкlэхэм тэри тадэlэпыlэщт. lофэу едгъэжьагъэр зэрэлъыдгъэкlощтым, lэкlыбым ыкlи хэкум ащыпсэурэ ныбжьыкlэхэм язэпхыныгъэ зэрэдгъэпытэщтым, Урысые еджапlэхэм гъэсэныгъэ щагъотыным пае тазэрэдеlэщтым шъуицыхьэ тетэгъэлъы. Гъэсэныгъэм имэхьанэ, ащ ыуасэ, щыlэныгъэр зэрихъокlын зэрилъэкlыщтыр зэкlэми тэшlэ.

lэкlыбым щыlэ адыгэхэм якlалэхэм ящыlэныгъэ нахьышlу шlыгъэнэу, lэпыlэгъу афэхъунхэу тиреспубликэхэми, Дунэе Адыгэ Хасэми амал зэряlэр тшlошl мэхъу.

UNIFON икуп

Абыдэ Нариман, Налщыч, КъБР, УФ

Абыдэ Нэрмин, Налщыч, КъБР, УФ

Адза Айкут, Анталия, Тыркуе

Апэзау Тайфун, Къайсыр, Тыркуе

Аулъэ Талхьэ, Налщыч, КъБР, УФ

Аулъэ Эрэн, Анкара, Тыркуе

Ащхъуэт Анзор, Налщыч, КъБР, УФ

Балъкъэр Сабинэ,Налщыч, КъБР, УФ

Балой Селен, Анталя, Тыркуе

Былэ Чагъатай, Чорум, Тыркуе

Вэрыл Хьарун, Къайсыр, Тыркуе

Гъожьукъо Фуркъан, Чорум, Тыркуе

Гъомылэшх Ранэ, Къараман, Тыркуе

Дыгъужь Лианэ, Налщыч, КъБР, УФ

Дыгъужь Оксанэ, Налщыч, КъБР, УФ

Дыгъужь Рузанэ, Налщыч, КъБР, УФ

Жэмыхъуэ Дианэ, Налщыч, КъБР, УФ

КIэщт Айбэркъ, Къайсыр, Тыркуе

Къардэн Енэм, Анталия, Тыркуе

Къардэн Кардэлэн, Анталия, Тыркуе

Къардэн Мервэ, Къайсыр, Тыркуе

Къардэн Тюркэр, Анталия, Тыркуе

Къарэ Озлем, Измыр, Тыркуе

Къарэ Умран, Измыр, Тыркуе

Къаскъул Аминэ, Налщыч, КъБР, УФ

Къудай Налмэс, Мыекъуапэ, АР, УФ

Къэжэр Iэдэм, Налщыч, КъБР, УФ

Лӏыхъужъыкъо Синэф, Измыр, Тыркуе

Ныбэ Ахьмэт, Мыекъупэ, АР, УФ

Нэшэ ЛIэпш, Пэнэхэс, АР, УФ

Самгугъу Iирфан, Самсун, Тыркуе

Тхьэмокъуэ Даринэ, Налщыч, КъБР, УФ

Хъуажъ Къаншъау, Хьатай, Тыркуе

Хьагашэ Iипэкъ, Анталия, Тыркуе

Хьахъу Нарт Хьакан, Налщыч, КъБР, УФ

Хьахъурэтэ Хьилми, Истамбыл, Тыркуе

Хьэтхьэкӏумэ Жансэрэй, Истамбыл, Тыркуе

Цэй Алейнэ, Балыкесир, Тыркуе

Цэй Сэлин, Балыкесир, Тыркуе

Чэтэшӏэ Сизар, Налщыч, КъБР, УФ

Шагудж Утку, ӏыспарта, Тыркуе

Шъхьэлахъо Къубан, Измыр, Тыркуе

Шэрэдж Бурджу, Истамбыл, Тыркуе