Фи махуэ фlыуэ, ныбжьэгъухэ, Сэ си цlэр Даринэщ

Фи махуэ фlыуэ, ныбжьэгъухэ. Сэ си цlэр Даринэщ, Тхьэмокъуэхэ сащыщщ, Налшык къалэ сыщопсэу.

Мы гъэм @cerkesyagenclik къызэригъэпэща зыгъэпсэхупlэм дырагъэблэгъауэ дыщыlащ.

Налшыч дыкъикlри махуитl жэщитlкlэ гъуэгу кlыхь дытетащ, ауэ дыщынэсам ди гугъуехьри псори тщыгъупщэжащ.

Гуапэу къытпежьэри, псори дызэрыцlыхури, ныбжьэгъу дызыхуэхъуауэ махуэхэр етхьэкlащ.

Къэкlуэну lуэху къытпэщылъхэм дытепсэлъыхьащ, хэт дэнэ къэралым щыпсэуми емылъытауэ лъэпкъ lуэху здэтщlэну тедухуащ.

Пшынэ макъым дедаlуэу дыкъэушт, пшынэ макъым дедаlуэу дыжеижт, пасэрей адыгэ джэгукlэхэм дыхэтащ, зэхэс гъэщlэгъуэнхэри едгъэкlуэкlащ.

Екlурэ ещхьыу зыдгъэпсэхуащ.                                                                                                          Япэу псом нэхърэ нэхъ гугъу дыздехьар бзэ зытемыхуэр арат. Жагъуэ зэрыхъунщи, Адыгэбзэкlэ псалъэу щlалэгъуалэм къыхэкlар мащlэдыдэт, ипэщlэдзэми ди зыгурыlуэныгъэми тlэкlу зэран хуэхъуащ.

Ауэ ди гуапэу иужькlэ къэтщlащ, нэхъыбапlэр бзэ зэгъэщlэным зэрыхущlэкъур, апхуэдэу гукъыдэж зэраlэр.

Пlалъэу дызэриlам хуэдизкlэ тхузэфlэкlыр едгъэщlащ, езыхэми Тыркубзэкlэ зыгуэрхэр къыдгурэгъаlуэри нэхъ дызэпсалъэу дыкъызыгурыlуэу щlэддзащ. 

Псодыдэри мыхъуами гъэ къакlуэхэм дыздэlэпыкъужурэ, хабзэр нэхъ дгъэбагъуэурэ зедгъэужьыну дигу илъщ. 

Мы lуэхуфl къежьам и купщlэ нэхъыщхьэу хэлъыр сэ къызэрызгурыlуэмкlэ хамэ щlыпlэ щыlэ адыгэ зыбгырыдзахэр зэрыгъуэтыжынымрэ зэрыцlыхужынымрэ аращи, ар тхузыфlэкlауэ согугъэ.

Щхьэж ди унэ дгъэзэжа пэтми дызыфlэкlуэдыжакъым, дызэрощlэр. 

Ди зэрыцlыхуныгъэр кlыхь Тхьэм ищl.