Адыгэ ныпыр – ди лъэпкъым и зэкъуэтыныгъэм и нэщэнэ лъапӀэщ, бэнэныгъэм и псэщ икӀи щхьэхуитыныгъэм хуэгъэза фӀэщхъуныгъэ мыкӀуэдыжщ! Тхыдэм и кӀыхьагъкӀэ ар дамыгъэ къудейуэ щытакъым, атӀэ ди щыӀэныгъэмрэ ди бэнэныгъэмрэ я нэщэнэу щытащ. Аращ мэлыжьыхьым и 25-р Адыгэ Ныпым и Махуэу щӀагъэувар!
Мис а махуэр аргуэру къоблагъэ!
БлэкӀа илъэсхэм мы махуэшхуэр гукъыдэжышхуэкӀэ ягъэлъапӀэрт хэкужьми – Черкесием, хамэ къэралхэм щыпсэу адыгэхэми. АрщхьэкӀэ, пандемием и ужькӀэ, гуфӀэгъуэ зэхыхьэхэм я нэхугъэ пасэрейр яфӀэкӀуэдащ. Иджы къэсащ а мафӀэр аргуэру дгъэблэжыну зэман!
- Нобэ щегъэжьауэ мэлыжьыхьым и 25 пщӀондэ, "Адыгэ Хэку НыбжьыщӀэ" зэгухьэныгъэм социальнэ хъыбарегъащӀэхэм ди ныпым теухуа тхыгъэхэр махуэ къэс къытридзэнущ!
- Дэ адыгэ зэгухьэныгъэ псоми зыфхудогъазэ: мы махуэр уэрамхэм, пэшхэм, утыкухэм цӀыху куэд къызэхуэсу ягъэлъэпӀэну!
- Адыгэ псоми зыфхудогъазэ: мэлыжьыхьым и 25-м фи унэхэм, фи балконхэм, фи лэжьапӀэхэм адыгэ ныпыр фӀавдзэну ди щӀэиным пщӀэ хуафщlу!
Зыщывмыгъэгъупщэ:
Ди ныпыр уафэм щихуэхукӀэ, ди лъэпкъыгъэр лъэщщ!
Зэкъуэтыныгъэр нэхъ быдэ мэхъу, ди лъэпкъым и макъри нэхъ иныу къоӀу!
- Ныпыр ирехъей – адыгэ лъэпкъыр ирепсэу!
- Ирепсэу Адыгэ лъэпкъ!
- Ирепсэу Адыгэ Хэкур - Черкесия!"
Facebook 
Twitter 
Pinterest 
Linkedin 
Tumblr 
vk 
Odnoklassniki 
Reddit 
Whatsapp
Google Bookmarks
