Адыгэ Ныпыр – ар, блэкIар дигу къэзыгъэкIыж къудейкъым. Ар иджыри имыуха тхыдэм, зэфIэмыкIа гъуэгуанэм и нэщэнэщ.
Мы ныпыр – зи Хэку залмыгъэкӏэ ирагъэӏэпхъукlа, ауэ зи напэр зыфlэмыкlуэда цӏыхубэм я пэщӏэувэныгъэм и нэщэнэщ.
Вагъуэхэм зэкъуэтыныгъэр къагъэлъагъуэ.
Шабзэшэхэр щхьэхуитыныгъэм и гъуэгущ.
Дэ, мы ныпым дрибынщ.
Дэ, зи лъэпкъ ягъэкlуэдыну, зи тхыда зыщагъэгъупщэну, дунейм тырагъэкlыжыну хэта лъэпкъым дыкъыхэкlа щlалэгъуалэщ.
Хэкур щIыпIэ кIапэ къудейкъым.
Хэкур ди бзэкlа жаlэ гущэ уэрэдщ. Хэкур ди кхъащхьэ мывэхэм щымыу тет тхыгъэхэрщ.
Хэкур ди къуажэхэм я цIэхэрщ, ди бгыхэм я гущIыхьэ теплъэрщ.
ИкIи дэ, а хэкур тщымыгъупщэн папщIэ мы ныпыр уафэм дыдоlэтей!
Ди ныпыр тlэтыхункlэ, дызэрыадыгэм нэмыщl, ди хэкури дигу къыдогъэкlыж.
Ди ныпыр тlэтыхункlэ дызэрыадыгэр зэрыдгъэлъагъуэм имызакъуэу, ар иджыри ди къалэнщ.
Адыгэ щIалэ!
Мы ныпыр щыпlэткlэ - уи лъэпкъым и тхыдэр боlэт.
Мы ныпыр уи щхьэгъубжэм фIэлъмэ - ди адэжъхэм я макъхэр къоlу.
Мы ныпым зыщиужьмэ уи гум - къэкlуэнум уэ уи хэкур плъэгъужынщ.
Сыту жыпIэмэ ныпыр щыIэмэ, хэкури щыIэщ.
Сыту жыпIэмэ зигу изыгъэлъхэр щыIэмэ, къэгъэзэжыныр щыlэнущ.
- Адыгэ ныпым зыреужь – Адыгэ лъэпкъыр ирепсэу!
- ИугъащIэ адыгэ лъэпкъ хъумэным и бэнэныгъэр!
- Адыгэ хэкур иребагъуэ!
Facebook 
Twitter 
Pinterest 
Linkedin 
Tumblr 
vk 
Odnoklassniki 
Reddit 
Whatsapp
Google Bookmarks
