Адыгэ-Урым (Италие) lэпэ Пшынэ Еджапlэ Зэхъуэж

ШыщхьэӀум и 27–31-хэм Suzuki Vescovana еджапӀэм, Via 4 Novembre 139, Vescovana (Падуя, Италие).

ЕгъэджакӀуэхэр: Елена Энрикорэ, Блан Жылокъуэрэ

lэпэ пшынэ зи щlэныгъэ музыкантхэмрэ, студентхэмрэ хузэӀухащ.

Группэр щlызыхуэтшэсыр мэзхэр, жыг хадэжьхэр, гъэгъа 2500-рэ зыхэт розэ хадэ къыщыкl Венецие къуажэ щӀыпӀэм щекӀуэкӀыну кӀэух концертым къыщыджэгуну оркестр зэгъэпэщынырщ. 

Фи макъамэ Ӏэмэпсымэр къэздэфхь.

Регистрацияр зэрыфщlынур: scuolasuzukivescovana@gmail.com.

Регистрацэхэр зэӀухащ, пӀалъэ иӀэкъым!

ЕгъэджакӀуэхэм ятеухуауэ: Иорданым къыщалъхуа Жылокъуэ Блан  пшынэм хуиӀэ ӏэщӏагъэр щызыригъэгъуэтар илъэс 15 и ныбжьуш. Абы и макъамэ гъуэгуанэм къыриубыдау гуп, оркестр зэмылӀэужьыгъуэхэм ядэджэгуащ, Нидерландхэм щыцӀэрыӀуэ Палоинэ къэфакӀуэ гупым ягъусэу джэгуащ. Жылокъуэ Блан и лэжьыгъэм къыдэкӀуэу егъэджэныгъэми хуэпабгъэщ, Кавказ, Адыгэ макъамэ хабзэхэмкӀэ и щӀэныгъэр и еджакlуэ куэдым ябгъэдилъхьащ. Абы и лэжьыгъэр куууэ хэтщ Адыгэ щэнхабзэм, и макъамэр фӀыуэ ялъагъу, ягъэлъапӀэ Адыгэ хэхэсхэм ямызакъуэу, дунейпсом. И Пшынэуэ Ӏэзагъымрэ, Адыгэ макъамэ щэнхабзэр хъумэнымрэ зегъэужьынымрэ зэрыхуэпабгъэм къыхэкӀыу, абы дунейпсо макъамэ утыкум увыпӀэ лъагэ щиубыдащ.

Турин къыщалъхуа Елена Энрико илъэсих щиныбжьым щегъэжьауэ фортепианэм хуеджэн щӀидзащ, икӀи ныбжьыщӀэу къиухащ. Ар фортепианист, актрисэ, уэрэджыӀакӀуэ, композитор, сабий макъамэ гупхэмрэ я унафэщӀу зэрылажьэрэ куэд щӀащ. Италийм и Сузуки Институтым и къызэгъэпэщакӀуэхэм ящыщщ, абы Турин дэт Сузуки ЗэфӀэкӀым и Центрым Сабий Музыкэ Лабораторэ программэр щиухуащ, Music Lullaby, Doctor Music сымэ я гъусэу. Цlэрыlуэ егъэджакlуэ Чезаре Чакьяретта, Джорджио Деллароле сымэ я деж ар lэпэ пшынэм щыхуеджащ, иужькlи ядэлэжьащ. Европэм и Сузуки Ассоциацэм аккордеон егъэджакӀуэу къалъыта нэужь, абы и еджакӀуэхэр игъусэу ансабль иухуащ.