Гъэтхапэм и 14-м 1853 Тифлис апэрэ адыгэ тхыбзэ къыщыдагъэк1ыгъ. Непэ, илъэси 167 теш1агъэу, мы хъугъэ-шlагъэм пае Адыгэ Республикэм щагъэнэфагъэу адыгабзэм ыкlи адыгэ тхыбзэм ямафэ хэтэгъэунэфыкlы.
Ставрополь дэтыгъэ гимназием икlэлэегъаджэу Бэрсэй Умар тхыбзэр зэхигъэуцогъагъ. Ныдэлъфыбзэмкlэ шlэныгъэхэм ягъогу ащ къызэlуихыгъ.
Адыгабзэр анахь бзэ жъы дэдэхэм зэращыщыр непэрэ мафэхэм дунаим щызэлъашlэрэ шlэныгъэлэжьхэм яlофшlагъэхэм къаушыхьаты. Я 4 илъэс миным щегъэжьагъэу тиэрэ нэс тятэжъ пlашъэхэм къагъэнэгъэ пэсэрэ тхакlэм исаугъэтхэр къэнэжьыгъэх.
Лlэшlэгъу чыжьэхэм лъэпкъ пэпчъ ыбзэ къыгъэнэным пае мыжъом ыкlи пхъэм хьарыфхэр ахиупкlыщтыгъ. Адэ джы технологиякlэхэм ялъэхъан лlэшlэгъухэм яанахь тын лъапlэу - тиныдэлъфыбзэ къэтыухъумэнышъ къыкlэлъыкlорэ тилlэужхэм къафэдгъэнэнэу тиамалба?
Сэ адыгабзэр шIу сэлъэгъу! Оры?
Мурат Кумпилов
Facebook 
Twitter 
Pinterest 
Linkedin 
Tumblr 
vk 
Odnoklassniki 
Reddit 
Whatsapp
Google Bookmarks
